Home Featured Kryesore Taksa e Rrugës së Kombit, edhe Haradinaj kundër Ramës: Është e tepruar!

Taksa e Rrugës së Kombit, edhe Haradinaj kundër Ramës: Është e tepruar!

Reagimet në Kosovë ndaj taksës së vendosur në Rrugën e Kombit kulmuan me pohimet e bëra nga kryeministri Ramush Haradinaj në KTV se shuma e vendosur “është e tepruar”.

Shefi i ekzekutivit kosovar u tregua mjaft i përmbajtur në komentet e tij, duke lënë të kuptohet se Prishtina zyrtare konsideron që kjo është një çështje e Shqipërisë e si e tillë, zgjidhjen duhet ta marrë brenda kufijve, por më e pakta që qeveria “Rama” duhet të bëjë në këtë rast, sipas tij, është që të rregullojë rrugën e nisur në kohën e Sali Berishës dhe ende të papërfunduar siç duhet.

“Ta bëjnë atë autorrugë se ka mbetur keq shumë. Që të kalosh nga Morina e deri diku tek tuneli është tmerr. Është e papërfunduar, ato ura, ato dynivelizime të këqija… Është e rrezikshme. Është mandati i dytë i Edi Ramës dhe duhet ta përfundojë këtë rrugë. Ka mbetur pjesa nga kufiri me Kosovën, në ngjitje të tunelit; ka mbetur pjesa kur mbërrijmë në Milot dhe pjesa deri në Vorë”, tha Haradinaj.

Taksa prek më së shumti kosovarët, thekson Haradinaj, i cili bën një llogari të thjeshtë: për shkak të mospërfundimit të rrugës, ata, sipas tij, humbin me amortizim makine e kohë, e duke i shtuar edhe 5 eurot e taksës, e gjithë kjo, për kryeministrin e Kosovës, është e ekzagjeruar.

“Për mua është e tepruar, sidomos për faktin se nuk po e shoh të jetë thënë që do ta përmbyllim këtë autorrugë vjeshtën e këtij viti. Të thuhet do vendosim kritere, mirëmbajtje dhe këtë taksë, atëherë jemi në rregull. Unë e paguaj me qejf, jo 5 euro, por sa të duash, ama mos na e lë rrugën ashtu”, deklaroi Haradinaj.

Kamionistë nga kompani të Kosovës protestuan paraditen e së mërkurës në Morinë kundër taksës që për makinat e tonazhit të rëndë, parashikohet rreth 22 euro. Po ashtu edhe të shtunën pritet protesta e radhës.

LEAVE A REPLY

Please enter your comment!
Please enter your name here

Must Read

Zyrtarë të Bankës Botërore interes për tunelin e nëndheshëm në Kukës

Përfaqësues të lartë të Bankës Botërore kanë shfaqur interes për qytetin e nëndheshëm të Kukësit pas reportazhit të transmetuar...

Shishtaveci turistik, vendi ku mungojnë investimet strategjike

Për të mbërritur në Shishtavec duhet përshkuar Kanioni i Vanave, unikal në vend për nga bukuritë që i ka...

VIDEO-Njihuni me Kukësin e nëndheshëm, qytetin e nëntokës

Pamje ekskluzive dhe historia për atë që sot quhet Kukësi i nëndheshëm. Gazetari Bujar Muçmata dhe operatori Fatjon Rexha...

VIDEO-2 ditë drejt majës së Jezercës

Alpinistë e turistë eksplorojnë bukuritë e Valbonës. Udhëtimi përfundon me ngjitjen e majës së Jezercës...