Në tunelet e Kukësit të nëntokës -FOTO

0
153

Nga Ermal Hallaçi

Regjimi komunist ka lënë pas gjurmët e tij diçka të cilën e dëshmojnë edhe fotot e mëposhtme të cilat tregojnë masat që kishte marrë ndaj ‘sulmeve’ të mundshme nga vendet ‘armike’.

Kukësi Nëntokësor, njëri prej vendstrehimeve më të mëdha në rajon, dhe i fortifikuar për t’u bërë ballë shpërthimeve atomike.

Tunelet të ndara edhe me degëzime janë 30 metra nën tokë ndërsa shkallët në formë rrethore nuk kanë të mbaruar në zbritje. Kryqëzime e tunele si një labirint.

Për Kukësin nëntokësor është punuar gati 20 vite e shpenzuar miliarda nga sistemi i kaluar pa llogaritur qindra punëtorë që kanë punuar për ta ndërtuar.

Një spital për 300 shtretër, fabrika e prodhimit të bukës, hapësirat e tjera për vendkomanda e shumë zyra për administratën. Një pjesë e pallateve të ndërtuara në atë periudhë, i kanë në çdo shkallë portat e blinduara dhe tunelet hyrëse për në qytetin e nëndheshëm, bën me dije gazetari Ermal Hallaçi.

Pak kohë më pare, mediat ndërkombëtare e renditën Shqipërinë pas SHBA-së dhe Zvicrës si vendi me sigurinë më të madhe për sulmet bërthamore dhe atomike, për shkak edhe të vendstrehimeve të shumta të ndërtuara gjatë Luftës së Ftohtë.